Hansen og Gjermundstad får ikkje ny kontrakt med Sogndal

Det vart bestemt onsdag då dei to spelarane var i møte med sportsleg leiar Trond Fylling, skriv Sogn Avis.

– Me har lyst på ein annan type spiss enn Hansen, seier Fylling til avisa.

• LES OGSÅ: Landets tettaste forsvar smuldrar opp

Fleire er interesserte

Hansen har fått mykje speletid av Harald Aabrekk i år, men har enno til gode å teikna seg på scoringslista i eliteserien for kvittrøyene. Men han er ikkje bitter for at tida hans på Fosshaugane er over.

– Det går fint, eg har hatt ei fantastisk tid i Sogndal, seier Hansen.

23-åringen kom frå Brann i lag med Kenneth Udjus før sesongen i ein byttehandel med Piotr Leciejewski som gjekk den andre vegen.

Medan Udjus held fram på Fosshaugane Campus, tek Hansen no farvel med saftbygda.

• LES OGSÅ: Sogndal snusar på svenskar

Fleire klubbar skal ha synt si interesse for den kjappe jærbuen, blant anna nyopprykka Sandnes-Ulf og gamleklubben Bryne.

– No tenkjer eg ikkje på det, eg får sjå kva som skjer etter jul.

• LES OGSÅ: Endeleg kunne sogndølene juble
• LES OGSÅ: Sogndal er rimelegast i drift i eliteserien

Gjermundstad kan få ny sjanse

Det er ikkje 100 prosent sikkert at Vegar Gjermundstad forsvinn etter sesongen. Han står per i dag utan kontraktstilbod frå Sogndal, men han har fått tilbod om å trena med Sogndal i januar for å syna seg fram Jonas Olsson når han tek over etter jul.

• LES OGSÅ: Tore André blir med eitt år til

Då blir Sogndal-troppen truleg tre midtstopparar færre neste sesong. Isak Scheel er allereie klar for Lillestrøm, Mats Solheim skal til svenske Kalmar og Even Hovland blir mest truleg utanlandsproff. Trond Fylling innrømmer at dei må forsterka den bakre rekka før neste sesong.

• LES OGSÅ: Even vil gjerne til Crystal Palace
• LES OGSÅ: Stopparkjempe forlet Sogndal

– Me har Gustav Valsvik og Espen Næss Lund, men treng ein annan spelartype også, seier han til avisa.