Opp mot 11 dagar mellom fødslar

- Eg meiner det er for lang tid mellom kvar fødsel. Det er klart at det er mange menneske som då må gå å vente på at noko skal skje, seier leiar i den Norske gynekologforeining, Bjørn Backe.

• LES OGSÅ: Sp trugar med regjeringskrise

67 fødslar i Lærdal

Så langt i år har det vore berre 67 fødslar ved den forsterka fødestova i Lærdal, og på det meste har det vore heile 11 dagar mellom kvar fødsel.

Ved fødeavdelinga på Nordfjordeid har det til no i år vore 205 fødslar, og på det meste fem dagar mellom kvar fødsel. Backe er uroa over den faglege kvaliuteten når fødetilbodet er så smått.

• LES OGSÅ: Blir skulda for faktafeil

Viktig med store miljø

- Miljøa som skal drive ein fødeinstitusjon må vere store nok slik at ein får stabil drift, seier han.

Men jordmor Sissel Ommedal ved Nordfjord sjukehus avviser at fødetilbodet er for dårleg.

- Eg er ikkje samd med han i dette. Vi jordmødrene på Eid har god erfaring med fødslar, seier ho.

• LES OGSÅ: Anbefaler fødetilbod berre i Førde

Vil legge ned

- Men er det ikkje for få fødslar til å forsvare ei heil fødeavdeling?

- Nei, det synest eg ikkje, seier Ommedal.

Styret i Helse Førde har føreslått å leggje ned fødetilboda både på Nordfjordeid og i Lærdal dersom ikkje helseføretaket får tilført naudsynte ekstramidlar.

• LES OGSÅ: Ministeren stoggar ikkje vedtak om nedlegging

- Må reduserast

Skal ein følgje Backe sitt resonnement må fødetilbodet i Lærdal leggjast ned og fødeavdelinga på Nordfjordeid reduserast til fødestove.

- Jordmorbaserte fødestover som ikkje har keisarsnitt kan ein godt ha ved lokalsjukehusa, seier Backe.

• LES OGSÅ: Vil avvikle Helse Førde
• LES OGSÅ: Sjukehusplanen er vedteken