Hipp, hurra for Kylie!

Den australske artisten og såpe-skodespelaren fyller 40 år i dag. Ho kom til verda 28. mai 1968 i Melbourne.

Kylie-effekten

40-års krisa handlar for mange om å vere på toppen og sjå nedover mot alderdom og død. Men Minogue ser ikkje ut til å vere prega av å gå inn i sitt fjerde tiår.

Ho har klart å legge ein tung periode bak seg, etter at ho i 2005 fekk diagnosen brystkreft.

Kylie måtte av avbryte turneen sin, og gjekk opent ut og snakka om sjukdommen. Dette førte til oppsving i historier omkring temaet, og nokre meinte at dette kunne redusere talet på dødsfall som fylgje av brystkreft.

Spektakulært comeback

Det store gjennomslaget som musikkar fekk Minogue i 1987 med Stock Aitken-Watherman-låten ”I should be so Luky”

Før ho slo til som songar, livnærte ho seg som skodespelar i den australske såpeoperaen Neighbours.

Etter å ha vore borte frå rampelyset siste del av nittitalet, klemte Kylie til med eit spektakulært comeback med singelen ”Spinning Around”. Låten førte ho rett opp på toppen av dei britiske hitlistene.

Nobelkonsert

I 2001 gav ho ut singelen ”Can't Get You Out Of My Head”. Dette vart ein av dei største internasjonale hitane dette året.

Kylie Minogue var ein av artistane som deltok på Nobelkonserten i Oslo i desember 2007 .