Hopp til innhold

Woody Allen filmar Miley Cyrus

Woody Allen skal lage tv-serie for strøymetenesta til Amazon med artisten Miley Cyrus i hovudrolla.

Miley Cyrus

Miley Cyrus har dei siste åra satsa på artistkarrieren. No skal ho spele i Woody Allen sin første tv-serie.

Foto: Owen Sweeney / Ap

Woddy Allen på filmpremiere

Amazon har fått med seg Woody Allen på laget for å lage tv-serie.

Foto: LUCAS JACKSON / Reuters

For første gong skal Woody Allen lage tv-serie for ei strøymeteneste. Serien han skal lage for Amazon har førebels ikkje noko namn, men skal gå føre seg på 60-talet, skriv Hollywood Dateline.

Allen har skrive manus, og skal i tillegg ha regi og spele i serien, som blir på seks halvtime lange episodar. Med seg på laget får han artisten Miley Cyrus og Elaine May, som også spelte i Allen-filmen «Småkjeltringer» frå 2000.

Kontroversiell

Cyrus slo igjennom som barneskodespelar med hovudrolla i Disney-serien «Hannah Montana». I tillegg har ho spelt i filmar som «The Last Song» og «LOL». I fjor spelte hos eg sjølv i filmane «A Very Murray Christmas» og «The Night Before». Dei siste åra har ho brukt mest tid på artistkarrieren, og har fått mykje merksemd for kontroversielle framføringar og lettkledde musikkvideoar.

Cyrus slapp nyheita om at ho skulle vere med i tv-serien til Allen med eit bilde på Instagram som viser eit portrett av Allen, som ho skriv ho har hatt over senga si i fleire år.

Angra på avtalen

Jeff Bezos

Amazon-grunnleggar Jeff Bezos vil ta opp kampen med Netflix.

Foto: HANDOUT / Reuters

Amazon har dei siste åra gått frå å vere ein nettbutikk til å bli ein stor digital tilbydar. Dei har blant anna etablert ein videoteneste som har som mål å ta kampen opp mot Netflix i videostrøymemarknaden.

Woody Allen har over 40 kinofilmar på samvitet, men har aldri laga tv-seriar tidlegare. Men i fjor annonserte Amazon at dei hadde inngått ein avtale med Allen om å lage ein tv-serie. Men då Allen møtte pressa i Cannes i mai, sa han at han angra på avtalen.

– Det var ein katastrofal feil eg gjorde. Eg veit ikkje ein gong kva ein strøymeteneste er. Eg hadde aldri høyrt om Amazon.

Allen seier dei heldt fram med å mase og gjere avtalen stadig betre. Til slutt sa Amazon at dei ville gjere alt Allen bad dei om så lenge han laga seks halvtimar til dei.

Filminga av serien startar i mars, og skal etter planen ha premiere seinare i år.

Irrational Man, Woody Allen

'Irrational Man' med Joaquin Phoenix og Emma Stone er den førebels siste kinofilmen til Woody Allen.

Foto: Sabrina Lantos, Sabrina Lantos

Kulturstrøm

  • Gåte er fornøyd, men spente

    Til NRK sier Gåte at de er fornøyde med plasseringen de har fått i sin semifinale, men at de samtidig er spente på stemningen i salen etter Israels opptreden.

    Tidligere tirsdag ble det kjent at Norge opptrer rett etter Israel i den andre semifinalen i Malmö 9. mai. EBU har fått kritikk fra flere hold for å la Israel delta.

    Jim Ødegård Pedersen, leder folkejuryen Adresse Malmö, tror det kommer til å gå bra. Men sier at Israels bidrag ikke er det enkleste å opptre etter i år. Også han er spent.

  • Madonna avslutter turné med stor gratiskonsert

    Madonna skal holde en enorm gratiskonsert på Copacabana i Rio de Janeiro 4. mai som avslutning på Celebration-turneen som startet i oktober.

    På Madonnas nettside omtales konserten som hennes «største show hittil». Den er en «takk til fansen for å ha feiret musikken hennes i mer enn fire tiår».

    Madonna
    Foto: Evan Agostini / AP