I Østfold tar Fredrikstad tar imot nabo og erkerival Sarpsborg 5. mai.
– Det er veldig lett å sette fyr på rivaliseringa mellom Sarpsborg og Fredrikstad når det gjeld fotball og ishockey, seier Geir Bakken, som er dagleg leiar i Fredrikstad.
– Det er bare 17 kilometer mellom Sarpsborg og Fredrikstad. Det er to sterke byar med sterk identitet. Dette er eit sterkare lokaloppgjør enn for eksempel Lillestrøm og Vålerenga, som møtest til helga. Vi kallar dette det einaste skikkelege lokaloppgjøret i norsk toppfotball, legg han til.
Også i Sarpsborg er det ekstra spenning før cupens tredje runde.
– Det vil svi ekstra sterkt å tape ein slik kamp, seier Sarpsborg-styrets nestleiar, Bjørge Øiestad.
Her er alle oppgjøra:
4. mai:
- KFUM Oslo – Vålerenga
- Bærum – Stabæk
- Asker – Odd
- Kongsvinger – Strømmen
- Sandefjord – Lillestrøm
- Vindbjart – Strømsgodset
- Sandnes Ulf – Start
- Vidar – Viking
- Åsane – Haugesund
- Nest Sotra – Sogndal
- Brattvåg – Aalesund
- Nardo – Rosenborg
- Stjørdals/Blink – Molde
- Tromsdalen – Tromsø
5. mai:
- Fredrikstad – Sarpsborg 08
- Alta – Bodø/Glimt