Leiaren i Venstre, Trine Skei Grande meiner det no er klart at pelsdyrnæringa ikkje vil nå målet som Stortinget sette i 2003, om vesentlege avlsmessige forbetringar i løpet av ein tiårsperiode.
– Kva skal til for at landbruksministeren går inn for å avvikla pelsdyrnæring? spør Grande.
Svaret til statråd Brekk kan du sjå direktesendt frå Stortinget frå ca. kl. 14.00 i ettermiddag.
Pels får kald skulder
Kritikken har igjen hagla mot pelsdyrnæringa etter at aktivistar gjorde nye avsløringar om skadde og vanstelte dyr på norske farmar.
- LES OGSÅ: Nye skrekkbilder fra 39 pelsdyrfarmer
Drøyt eitt år etter at landbruksministeren lova å rydda opp i pelsdyrnæringa, blei han på ny vist bilete av skadde og sjuke dyr. Då Mattilsynet få dagar etter avsløringa kom på uanmeldt inspeksjon hjå styreleiaren i Norges Pelsdyralslag, vart det også der funne sjuke, såra og daude mink.
- LES OGSÅ: Fant skadde dyr hos pelsdyrtopp
– Når ikkje tiårsmålet
Venstre-leiar Grande viser til Stortingsmelding nr.12 for 2002-2003 om dyrehald og dyrevelferd, der regjeringa utforma følgjande målsettingar og tiltak for pelsdyrnæringa:
- Styrka velferd for rev og mink ved ei evaluering av eksisterande regelverk med sikte på driftssystem som betre dekkjer dyra sine åtferdsbehov. Nye krav skal realiserast innan 10 år.
- Avlstiltak og stell av rev må fremja tillitsfulle dyr og unngå defektar.
- Redusert bruk av tvangsmiddel og spesielle stressituasjonar for rev, forbod mot livdyrutstellingar.
- Gjera greie for alternative avlivingsmetodar for mink.
I meldinga heiter det at «..dersom det ikke oppnås vesentlige avlsmessige forbedringer i løpet av en tiårsperiode, bør det vurderes å avvikle pelsdyrholdet».
– Ingen politiske partier reserverte seg mot dette, skriv SV-leiaren i sin interpellasjon til statsråd Brekk.
Sp åleine om pelsstøtte
I fjor gav staten meir enn 40 millionar kroner i støtte til pelsdyrnæringa.
Både Venstre og regjeringspartiet SV ønskjer å umiddelbart avvikla heile pelsdyrnæringa. Frp vil ha ei gradvis nedlegging medan Høgre og KrF, som tidlegare har støtta pelsbøndene, seier dei no vurderer å gå inn for å stoppa den statlege støtta.
Arbeidarpartiet har gjeve næringa eit halvt års frist for å rydda opp.
Dermed står Senterpartiet og landbruksminister Brekk att som den einaste klare forsvararen av støtta til pelsdyrnæringa.
- LES OGSÅ: Sp alene om pelsdyrstøtte
Brekk gjev næringa eitt år
Landbruksministeren skreiv nyleg i eit brev til Norges Pelsdyralslag at han ventar at næringa har på plass dei varsla nyordningane innan utgangen av 2011.
- LES OGSÅ: Brekk vil ha pelsdyrtiltak innen 2011
Han krevjer rask progresjon med omsyn til avl for temjing og tillit, og ber om snarleg skriftleg orientering og ein framdriftsplan for dette arbeidet.