– Eg trur fleire trur at det vil ende med at liv vil gå tapt til sjuande og sist, så brutale folk har blitt under desse rana, seier bussjåfør Frank Nilsen til NRK.no.
- LES OGSÅ: Røykte hasj og rana buss
- LES OGSÅ: 15-åringer siktet for bussran
Tysdag kveld slo ein ranar til igjen. Ein 15 år gammal gut truga ein bussjåfør med kniv for å få tak i pengeveska, som innheldt små verdiar. Barn frå barnevernsinstitusjonar har herja og gjorde over 500 lovbrot berre i sommar.
Terroriserer tilsette
– Vi er oppgitt over situasjonen og er mest opptekne over at det ikkje kan gjerast tiltak inn mot dei som faktisk terroriserer heile selskapet vårt og våre tilsette, seier administrerande direktør i Bussen Trafikkselskap, Harald Vålandsmyr.
- LES OGSÅ: 7 bussran på ett år
– Folk vert usikre, sjåførane vert usikre. Usikkerheita brer seg også til dei pårørande, altså dei heime, både barn og ektefeller. Då har vi eit problem. Vi har allereie merka det gjennom at ein del sjåførar ikkje vil køyre på kveldstid, seier Vålandsmyr.
RAN: Unge ranere går til åtak på ein bussjåfør i Kristiansand.
Foto: OvervakingskameraKniv låg på golvet
Ein av dei er Frank Nilsen. Han er ein av sju bussjåførar som har blitt rana i Kristiansand det siste året.
– Han kom mot meg med knytneven. Eg tenkte at han ikkje skulle få skade meg iallefall. Det var eit basketak om pengeveska og eg fekk hjelp av ein passasjer. Etter å ha ringt politiet oppdaga eg ein stor kniv som låg på golvet, fortel han.
- LES OGSÅ: Ruller opp ungt ransmiljø
– At folk kan gjere slikt for så lite pengar forstår eg ikkje. Vi må berre få pengane vekk for å unngå slike situasjonar, seier han.
Vil setje i verk tiltak
Og det vert det jobba med. Agder kollektivtrafikk lovar at det vil bli sett i verk tiltak for å betre situasjonen.
– Eg ventar at vi får på plass noko i løpet av 2011. Då kan vi sjå dei første resultata, seier fagdirektør, Kåre Riseng.
- LES OGSÅ: Barnevernet fortviler
– Vi ser på løysingar som kan gje mindre kontantar på bussane. Vi er litt avhengige av korleis folk vil ha det. Det ville vere veldig synd dersom dette fører til at det vert vanskelgare å ta bussen, så det er ein omfattande prosess, seier han.
