Q-film er ein årleg filmfestival, arrangert av medieelevar ved Firda vidaregåande skule. Det heile brakar laus med Kick-Off måndag kveld. I løpet av veke blir det fagdag med ulike tema og foredrag. Det blir også vist mange filmar denne veka.
Q-film er ein filmfestival der kreativ ungdom får vise kva dei kan om film, samt lære meir om film via forskjellige aktivitetar, foredrag og kinoframsyningar. Årets tema er «Adventure».
Den store prisutdelinga skjer torsdag kveld. Då er det klart for Q-pris der det blir kåra vinnarar i ulike kategoriar.
- LES OGSÅ:
- LES OGSÅ:
Nettlesarane til NRK Sogn og Fjordane kan vere med å avgjere kven som får Publikumsprisen.
– Vi fekk inn 35 filmar og er nøgde med det. Det er høgt nivå på mange av dei. I tillegg ventar vi inn nokre filmar som skal ver med i juniorklassen. Vi har fått mange bra filmar og det var vanskeleg å velje ut ti nominerte til Publikumsprisen, seier leiar Linda Hagen Myklebust.
Førebuingane til festivalen er no i full gong. Myklebust seier ho mest av alt er spent på mottakinga frå publikum.
– Vi er klare! Vi har begynt å selje festivalband og har begynt førebuinga til kick-off. Vi er veldig spente på resultatet og mottakinga frå publikum. Eg er ganske sikker på at det blir bra!
- LES OGSÅ:
- LES OGSÅ:
Stem på den du likar best
No kan du vere med å stemme på den du meiner skal vinne «Publikumsprisen 2012».
Premien er eit Canon 550D (stills/HD videokamera) med ekstern mikrofon.
Du kan stemme på din favorittfilm fram til torsdag 22. november klokka 16:00.