Borten Moe fredar pelsdyrnæringa

Både SV og Ap reagerer sterkt på at olje- og energiminister og Sp-kronprins Ola Borten Moe, førehandsvarslar ei freding for pelsdyrnæringa.

Kjem i haust

Svaret på kva regjeringa si haldning vil vere, kjem i landbruksmeldinga. Den skulle ha vore klar alt i vår, men er no utsett til utpå hausten.

• LES OGSÅ: Pelsdyrnæringa nøgd med nye reglar

– Eg trur eg trygt kan love at meldinga ikkje blir noko avviklingsmelding for pelsdyrhald i Noreg, seier Borten Moe til avisa Opp i Oppdal.

– Kan ikkje freda

Pelsdyrnæringa har dei siste åra vore utsett for sterk kritikk, og sterke politiske krefter meiner at heile næringa bør avviklast.

• LES OGSÅ: Langar ut etter pelsdyr-nei| Born av pelsoppdrettarar vert mobba

– Ein bør ta innover seg vi er ei regjering sett saman av tre ulike parti. Ingen kan freda noko som helst før landbruksmeldinga kjem, seier stortingsrepresentant Terje Aasland (Ap) til Dagsavisen, i følgje NTB.

SV er kritiske

Også SV reagerer sterkt på utspelet frå Borten Moe.

– Det er heilt greitt at han har eit slikt ønskje, men eg synes det er litt spesielt og lite gunstig at han uttalar seg i enkeltsaker i ei melding som enda ikkje er lagt fram, seier næringspolitisk talsmann for SV, Alf Holmelid.