- Gjer ikkje det beste for fylket

• LES OGSÅ: Krev omkamp om E39

- Eg hadde rekna med at dei kasta seg inn i debatten, men det hadde vore betre om dei ikkje hadde gjort det, seier styreleiar i Nordfjordkryssing A/S, Kjell Opseth.

Gjer ikkje det beste for fylket

Han viser til at Stryn kommune har lagt fram åtte forskjellige alternativ for å flytte E39 til Stryn. Samstundes har Støyva gjentekne gonger sagt at trasseen for E39 gjennom Gloppen, Eid og Kviven skal ligge fast.

Opseth seier han ikkje er overraska, men meiner stryningane er på feil kurs.

Staten har sett i gong ei konseptvalutgreiing for strekninga Skei - Ålesund, og Nils P. Støyva føresler fleire trasear innerst i Nordfjord.

• LES OGSÅ: Redaktørar kranglar om E39

Endra syn

Men dette er stikk i strid med det han gjentekne gonger har sagt, seinast sommaren for tre år tilbake.

- Stortinget har bestemt at E39 skal gå gjennom Sandane, Eid og via Kvivsvegen. Det stiller vi i Stryn oss bak. Og det er ingen grunn til å ta opp att den diskusjonen, sa han den gongen.

Men Støyva forsvarar at han har skifta syn.

Han viser til at Stryn kommune har spelt inn åtte ulike alternativ der eitt av dei er mellom Lote og Anda som i dag.

• LES OGSÅ: - Stigedalen ikkje aktuelt

- Held seg ikkje til vedtaket

Bruforkjemparane i midtre har på si side ikkje spelt inn eitt einaste alternativ der Kvivsvegen er vegtrase mellom Eid og Volda, meiner Støyva.

- Eg registrerer at dei ikkje held seg til vedtaket frå Stortinget og Miljøverndepartementet. Det er heilt naturleg at vi speler inn vårt syn, men vi har også teke med det alternativet som går mellom Lote og Anda, seier Støyva.

- Støyva tek feil

Men ordførar i Gloppen Anders Ryssdal meiner Støyva må ha misforstått fullstendig. Han seier at både bruselskapet Nordfjordkryssing A/S og Gloppen og Eid kommunar har vore krystallklare på at E39 skal gå via Kvivsvegen.

- Bruselskapet er mellom anna eigd av Gloppen, Eid og Stryn kommunar. Vi støttar fullt opp om dagens trase for E39 inkludert Kvivsvegen.

- Vi er også medlemmer av E39-utvalet som består av kommunane langs E39 i Sogn og Fjordane, i tillegg til organisasjonar og næringsliv. Også dette utvalet står på at det er dagens trase som skal gjelde, avsluttar Ryssdal.