Egil Petter Stræte er ikkje overraska over støtta til pelsdyroppdrett frå norske bønder.
Foto: Morten Karlsen / NRK– Det tyder på at bønder ikkje oppfattar at det er ein prinsipiell skilnad mellom pels og anna husdyrhald.
– Men det betyr ikkje at 70 prosent aksepterer dyremishandling, seier Egil Petter Stræte, direktør ved Bygdeforskning til Nationen.
68 prosent av norske bønder er imot eit forbod mot pelsoppdrett i Noreg.
49 prosent seier dei er svært usamde i at pelsdyroppdrett bør blir forbode.
Berre 16 prosent av bøndene ønskjer eit forbod.
– Nokre er nok prinsipielle motstandarar. Andre er mot på grunn av at næringa er ulik dyrehald til matproduksjon, medan mange sikkert er redde for omdømmet til norsk landbruk, meiner Stræte.
- Les også:
Knut Berg i Norges Pelsdyralslag er glad for den store oppslutninga blant norske bønder.
Foto: Junge, Heiko / NTB scanpix– Glad for den store oppslutnaden
I Norges Pelsdyralslag blir tala og undersøkinga teken imot med opne armar.
– Eg er veldig glad for den store oppslutnaden for pelsdyrhald mellom norske bønder, seier Knut Berg, dagleg leiar i Norges Pelsdyralslag.
– Eg skulle helst sett at vi fekk støtte frå 100 prosent, men ein ser at det er motstand mot pels i alle grupper av befolkninga.
Berg er klar på at pelsdyrhald er eit dyrehald på lik linje med andre husdyr.
- Les også:
Saka held fram under bildet.
Bilde av skadde pelsdyr på norske pelsdyrfarmar har skapt harme blant dyrevernarar.
Foto: Dyrebeskyttelsen og Nettverk for dyrs frihetAngrep på heile landbruket?
Stræte ved Bygdeforskning fortel at undersøkinga og svara er representative for alle typar bønder.
– Det er ikkje stor skilnad på svara frå husdyrprodusentar og planteprodusentar. Støtta er noko større blant husdyrbøndene, fortel han.
– Ei forklaring på den sterke støtta kan vere at bønder oppfattar angrep på pelsdyrnæringa som eit angrep på heile landbruket, seier Stræte til Nationen.
Ei undersøking utført av NRK i fjor haust synte at 47 prosent av den norske befolkninga vil forby pelsdyrnæringa i Noreg.
- Les også:
Berg i Norges Pelsdyralslag trur årsaka til at bøndene er meir positive enn resten av befolkninga botnar i kunnskap.
– Bønder veit veldig godt kva dyrehald er og at skader kan skje i husdyrproduksjon. Pelsdyrnæringa er ein viktig del av landbruket.
(NRK/NTB)
