Etikk-ekspertane Gunnar Bodahl-Johansen og Carl Erik Grimstad
. Pressas faglege utval , men no er saka likevel under handsaming.– Vi har sett i gang ei ordinær klagehandsaming, etter at vi har motteke eit samtykke, seier organisasjonssekretær Kjell Nyhus i Norsk Presseforbund.
Avsløring i Se og Hør
Han stadfestar at dei no jobbar med saka der Se og Hør avslørte at svenske Jonas Bergstrøm, som var trulova med prinsesse Madeleine, hadde hatt ein affære med den norske jenta Tora Uppstrøm Berg.
24. april i år kom meldinga om at
, og at bryllaupet var avlyst. Same dag kom det og fram at for å fortelje om sitt møte med kjærasten til prinsesse Madeleine i 2009.- LES ÒG:
PFU snur
Etter at dette kom fram leverte etikk-ekspertane Carl Erik Grimstad og Gunnar Bodahl-Johansen, ein klage til pressa sitt faglege utval, men fekk avslag. No har PFU derimot snudd.
– PFU har i eitt tidlegare møte handsama spørsmålet om denne saka, utan samtykke og det ønskte vi ikkje. Vi bad klagaren hente inn samtykke, og det har dei no gjort, seier Nyhus.
I utgangspunktet kan alle klage til PFU. Men ifølgje presseforbundet er hovudregelen at ein skal hente inn skriftleg samtykke dersom «klagar ikkje er identisk med den eller dei saka gjeld».
Bodahl-Johansen seier dei ikkje har diskutert saka med direkte med Tora Uppstrøm Berg, men at dei har henta inn samtykket dei trengde via e-post.
- LES ÒG:
– Krav som lesar
Gunnar Bodahl-Johansen meiner han som lesar har krav på å vite om Se og Hør betalte Tora Uppstrøm Berg.
– Det var kanskje ei litt spenstig tolking frå vår side. Vi meinte at vi som publikum hadde rett til å vite om ein som uttaler seg i media er betalt av dei same media for å uttale seg, seier Gunnar Bodahl-Johansen.
Vil ha prinsipiell diskusjon
Han meiner Ver varsam-plakaten har vorte meir liberal, og vil no ha ei klarare avgrensing av betalingsjournalistikken. Før Håvard Melnæs si bok om betalingsjournalistikken i Se og Hør skapte debatt i 2007, stod det ingenting i Ver varsam-plakaten om betalingsjournalistikk.
– Vi ventar at PFU no diskuterer kva som er akseptabel betalingsjournalistikk.
Bodahl-Johansen meiner Norsk Presseforbund burde ha sagt konsekvent nei til betalingsjournalistikk.
– Eg har heile tida meint at betalingsjournalistikk ikkje skulle førekome, av omsyn til truverdet og fridomen til pressa. Eg trur det er ei uheldig utvikling. Samstundes ser eg at realitetane talte for at ein skulle få det som eit unntak, men då er det viktig å vite kvar unntaket går.
Det har førebels ikkje lukkast Kulturnytt å få ein kommentar fra Se & Hør eller Tora Uppstrøm Berg.