Plattforma krenger fire grader

SISTE: Situasjonen er underkontroll, brannmannskap og politi har forlatt plattformen.

Mannskapen ombord på plattformen har greidd å stabilisere plattformen, som på det verste krenga med fire grader.

Vannlekkasje

Plattforma "Island Innovator" ved Hanøytangen på Askøy tok inn vatn og evakuerte i morgontimane.

Ein slepebåt var på staden og parat til å legge lenser rundt plattforma om det blei behov for det. Ein supplybåt låg også i beredskap.

– Like etter klokka seks melde plattformsjefen at dei no situasjonen under kontroll, men det er ei stor belastning på kjettingane som held plattformen på plass. Lekkasjen er nesten tetta, seier operasjonsleiar i Hordaland politidistrikt, Inger Myrtvedt.

Hundre ombord

Odfjell fekk tak i ein slepebåt som skal hjelpe å avlaste ankerkjettingen. Plattforma tar framleis inn vatn, men lensepumper kontrollerer dette.

Klokka 04.40 blei det meldt om ein lekkasje i eit pumperum og at det blei fylt med vatn. Plattformen krenger fire grader mot land.

Odfjell Drilling har no korrigert tala på evakuerte. Ein person er lettare skada. Ingen personar er meldt sakna. 63 personar er evakuert, medan 37 endå er ombord for å forsøke å stabilisere plattformen. Det var hundre ombord då evakueringa starta.

• Har du bilete frå plattforma? Tips oss på tips@nrk.no.

Krenger fire grader

– Vi har hatt ein vannlekkasje i understellet på Island Innovator. Det oppsto ei krenging på opp mot fire grader. Vi fekk raskt stabilisert denne krenginga, og vi arbeider no for å få endeleg kontroll på vannlekkasjon. Riggen kjem ikkje til å krenge meir enn den gjer no, opplyser kommunikasjonssjef Gisle Johanson til NRK klokka 0800.

Politi, brannmenn og dykkarar arbeidde med å halde lekkasjen under kontroll.

– Arbeid pågjekk i det vi kallar sjøvannssystemet i natt. Detaljar rundt det har eg førebels ikkje tilgjengeleg, seier Johanson.

Skada

Ein person blei skada ombord på Island Innovator.

– Det er snakk om kuttskadar i eit kne. Vi er glade for at det ikkje var noko meir alvorleg. Det går bra med han. Han var involvert i arbeidet på riggen, seier Johanson.

Dei 37 som er ombord arbeider med å styre stabiliteten og stoppe vannlekkasjen.

– Det lek mindre no enn tidlegare, men lekkasjesituasjonen er ikkje heilt avklart endå.

Framleis 37 ombord

– Klokka 0519 meldte innsatsleiar på staden at det no var synleg krengning på plattformen. Det var det ikkje tidlegare. Dei held på å tette eit hol, seier operasjonsleiar i Hordaland politidistrikt, Inger Myrtvedt.

Plattforma tilhøyrer Odfjell Drilling. Det er ein ny rigg som kom til Norge og Hanøytangen 1. februar.

Den er under klargjering og skal ferdigstillast før den skal ut i Nordsjøen på oppdrag i løpet av sommaren opplyser Bergen Group.

– Førebels er det dei 37 ombord som jobbar med stabiliseringa. Det er ei kontinuerleg vurdering heile om det er for stor risiko å ha dei om bord, seier Myrtvedt.

Alle naudetatar på staden

Plattforma er no stabilisert. Krenginga er på fire grader.

Så lenge kjettingane som held plattformen oppe toler belastninga vil den ikkje krenge meir enn den gjer no.

– Vi har brannmenn, ein brannbåt med dykkarar og redningsskøyta på staden, seier operasjonsleiar ved Hovudredningssentralen Sør-Norge, Johan Mannsåker.

Veit ikkje kva årsaka er

Øyvind Risnes, kommunikasjonsdirektør i Bergen Group, snakka med NRK på staden like før klokka sju.

– Vi har fullt fokus på å sikre krenginga på riggen. Så snart som råd vil starte å sjå på kvar årsaka til denne situasjonen er. Det er for tidleg å seie noko no, seier Risnes.

Bergen Group er eigar av verftet der Island Innovator ligg.

– Vi har prosedyrer og rutiner på slike situasjonar. Dette er ein situasjon som mannskapet er godt trent for å takle. Arbeidet som foregår ombord i plattformen akkurat no skal fjerne krenginga og sikre situasjonen, seier Risnes.