Rosenborgs leiarmål etter fem minutt kom som resultat av eit godt angrep, men burde vore annullert for offside. Tobias Mikkelsen var i offside då framspelet kom.

Med små marginar rettnok, men tv-bileta viste tydeleg at det var offside.

– Det er latterleg at ikkje nokon av dommarane ser det, sa Godset-kaptein Jørgen Horn til CMore.

– Vi skulle gjere Lerkendal stille

Innbytar Peter Kovacs hadde vore på bana i sju minutt då han utlikna. Florent Hanin fossa fram og fekk på ei heilt tom venstreside, og innlegget styrte den rutinerte 37-åringen inn.

– Eit skikkeleg Steffen Iversen-mål, gliste Kovacs etterpå.

– Det var vår beste kamp i år. Vi fekk spelet til å gli mykje betre enn i dei to første kampane, la Kovacs til.

– Og så gløymer vi offsidemålet og går vidare, sa han.

Strømsgodset-trenar David Nielsen var fornøgd.

– Vi gikk til kampen for å ta ballen frå dei. Vi skulle gjere Lerkendal stille, og det greidde vi. Vi leverte ein stor kamp i dag, og er best i store deler av kampen. Og det kjennest godt framfor nesten 20.000 på tribunene, sa Godset-trenaren.

– Kva seier du om offside-målet som gav Rosenborg leiinga?

– Ja, kva skal vi seie? Det burde ikkje vore godkjent, naturlegvis, men vi kan ikkje gjere noko med det. Eg er nøgd med dagen, seier Nielsen.

Første baklengs etter 259 minutt

Det var Rosenborgs første baklengsmål i serien i år, etter 259 minutts spel.

– Det var ein dårleg kamp. Vi var nervøse, sa ein misnøgd Mike Jensen til CMore.

– Vi er fornøyde med poeng her. Vi viser god lagmoral, og vi har mer å gå på, sier Horn. Som igjen understreker at han er forbanna for at Rosenborgs ledermål ble godkjent.

- Vi får god åpning, så gir vi det frå oss. Godet gjer det vanskelig for oss. Dei styrte litt mykje i andre omgang. Men vi skulle avgjort det, vi var for upresise. Vi får ikkje nok tempo, seier Kåre Ingebrigtsen.

– Vi må træn, sier han.

RBK opna og avslutta best

Rosenborg opna kampen godt og nærmast leika seg med Strømsgodset den første halvtimen. Men dei skapte ikje all verden av sjansar, og etter kvart makta gjestene å kome meir framover. Likevel ein fortent leiing til Rosenborg ved pause.

Men det var Strømsgodset som tok tak i kampen etter pausen, og spesielt etter at eks-Rosenbor-spelar Øyvind Storflor kom inn for Flamur Kastrati ti minutt etter pause.

Det var Godset som pressa heimelaget over på defensiven, som utfordra og som skapte halvsjansar. Dei store sjansane kom ikkje i den enden av bana, fordi RBK-forsvarsrekke rydda godt opp.

Slutten av kampen vart stor underhaldning. Begge laga gjekk for den avgjerande goalen. «End-to-end-stuff» som dei seier i England, tut og køyr, på gidt norsk.

Rosenborg sette inn ein sterk sluttspurt og var nærmast. Mendei lykkast ikkje i å ta sin tredje strake siger.