Helgeland hevda at arbeidarane vart grovt utnytta og kalla det for ein slaveleir. I tingretten vart han dømd til å betale 35 000 kroner i oppreising til Spetalen.
No har han bestemt seg for å ikkje anke saka.
– Det har vore ei stor belasting personleg og eg avsluttar kapittelet her, seier Helgeland til NRK.
I 2007 dreiv Spetalen oppussing av eit gammal båtbyggeri i Risør. Investoren engasjerte ei bedrift som brukte litauarar i byggjeprosjekta sine.
Det var då Helgeland var på synfaring med Arbeidstilsynet han kalla byggjeplassen for ein slaveleir.
I retten kravde Spetalen sine advokatar 100 000 kroner i oppreising og ein beklagelse frå Helgeland.
