Grunnskuleelevar i Sogn og Fjordane står på ingen måte tilbake for jamaldringane sine elles i Norge - resultata frå eksamen i grunnskulen våren 2009 viser tvert om det stikk motsette:
Elevane i Sogn og Fjordane held seg heilt i toppen både i engelsk, matematikk og norsk.
Dette er nøkkeltala
Det er fylkemannen som offentleggjer dei positive tala for ungdomen i Sogn og Fjordane.
Dette er nøkketala sett med elevane sine auge:
- I sidemål er elevane heilt i toppen med eit snitt på 3,7 i karakterar. Det nasjonale gjennomsnittet er til samanlikning på 3,3.
- I norsk hovudmål har elevane eit snitt på 3,5, og dei deler her førsteplassen med elevane i Møre og Romsdal, Oslo og Sør-Trøndelag.
- I matematikk er snittet på 3,6 - også det held til delt førsteplass med Akershus og Oslo.
- I engelsk er snittet 3,7, medan landssnittet er på 3,8.
- Når det gjeld gjennomsnittet av alle avsluttande karakterar, ligg elevane i Sogn og Fjordane på ein delt andreplass med Oslo.
- Positivt læringsmiljø
- Resultatet viser at vi held oss i landstoppen når det gjeld læringsutbytte målt i karakterar. Dersom vi også ser på kvaliteten i læringsmiljøet målt gjennom elevundersøkinga, så ser vi at elevane i vårt fylke ligg på topp også her i vurderinga av trivsel, elevmedverknad, fagleg rettleiing og fysisk miljø, heiter det i oppsummeringa på nettsidene til fylkesmannen.
- LES OGSÅ:
- LES OGSÅ:
Sogn og Fjordane er også best i klassen når det gjeld mobbing i grunnskulen.