Utbrotet sende til vêrs ei søyle med røyk og oske som strekkjer seg ti kilometer opp i atmosfæren, opplyser det nasjonale senteret for geologi og mineralforvalting, ifølgje AFP.
– Det kjem eld og røyk veltande ut frå krateret. Det luktar sterkt av svovel, fortel ein lokal tenestemann til reporterar på staden.
Sjå direktesending om vulkanutbrotet frå den argentinske TV-kanalen C5N.
«Oskestorm»
Vinden har ført oska i retning av nabolandet Argentina. Grenseovergangen er no stengd i området, og dei lokale styresmaktene på begge sider av grensa oppmodar folk om å halda seg innandørs.
– Oska slo ned over oss som ein snøstorm, seier den argentinske tenestemannen Carlos Hidalgo til TV-stasjonen TN.
- LES OGSÅ: Kraftig jordskjelv utenfor Chile
Chilenske styresmakter hadde i forkant slege full alarm på grunn av over 60 rystingar i jordskorpa som målte over 4 på skalaen.
Ifølgje CNN Chile var 3500 innbyggjarar evakuerte før vulkanen hadde utbrot.
– Dette er førebyggjande tiltak for å beskytta befolkninga og unngå store tragediar, seier visepresidenten i landet, Rodrigo Hinzpeter.
Puyehue ligg i den sørlege regionen Los Lagos, 870 kilometer sør for hovudstaden Santiago. Vulkanen er ein av totalt fire i den vulkanske kjeda «Cordon Caulle».
Puyehue hadde sitt førre store utbrot i 1960, etter eit jordskjelv som målte 9,5 i styrke.