Etter planen skulle dei 33 arbeidarane som blei redda ut av gruva natt til torsdag vera på sjukehus i to dagar, men doktorane har gjeve tre av dei lov til å reisa heim tidlegare, melder AFP.
Det var Edison Peña, Carlos Mamani og Juan Illanes som rundt kl. 22.00 i går kveld fekk sjekke ut frå sjukehuset i Copiapo. Dei tre var høvevis tredje-, fjerde-, og tolvtemann ut av gruva under redningsaksjonen.
- LES OGSÅ: 33 menn - 33 fantastiske historier
– Takk for at de aldri mista håpet om at me var i live. Det var dykkar støtte som fekk oss til å halda motet oppe, sa Peña (34) til horden som hadde møtt opp for å hylle han, ifølgje den chilenske avisa La Tercera.
Smugla ut
Trioen forlét sjukehuset under sterkt skjerma forhold, godt bevokta av chilensk sikkerheitspoliti.
Utanfor venta eit stort pressekorps, og dei verdskjende gruvearbeidarane måtte nærmast smuglast ut i bilen som skulle ta dei heim til familiane sine etter å ha vore innesperra i San Jose-gruva i Copiapo i over to månadar.
- LES OGSÅ: Her er sistemann ut av gruven
- LES OGSÅ: Slik var dagene nede i dypet
Kostymeparade, religiøse prosesjonar, dans og musikk fylte i går Copiapos gater, til ære for arbeidarane. Vel framme ved husa sine blei Peña, Illanes Og Mamani mottekne som heltar av familie, naboar, gratulantar og eit internasjonalt pressekorps.
Solbrillene dei fekk i forkant av redningsaksjonen for å beskytta synet mot dagslys etter den lange tida under bakken, hadde dei framleis på seg.
– Har sett sterke spor
For bolivianaren Carlos Mamani var det stelt i stand grillfest og pynta med bolivianske flag.
– Eg er overvelda. Dette har sett sterke spor i livet mitt, sa 23-åringen som skal ha vorte sterkt traumatisert av gruveulukka.
- LES OGSÅ:
- LES OGSÅ:
Også 52-åringen Illanes var overvelda og sterkt prega då han kom fram til heimen sin.
– Dette er heilt utruleg. Det har ikkje sunke inn enda, sa 52-åringen Illanes.
Forbausande friske
Doktorane som har undersøkt gruvearbeidarane, har tidlegare fortalt at tilstanden til alle saman er forbausande bra til å ha vore innesperra i ein fuktig, varm og mørk tunnel over så lang tid.
Ifølgje Reuters har ein av dei fått penicillin mot lungebetennelse, medan tre andre har fått behandling for tannproblem.
- LES OGSÅ:
Etter planen skal alle dei 30 gruvearbeidarane som framleis er på sjukehuset skrivast ut etter helsesjekk i løpet av fredagen.
Fryktar psykiske skadar
Ifølgje ekspertar er det større grunn til å uroa seg over psykososiale seinskadar.
– Ein bør vera obs på den psykologiske tilpasninga over tid, særleg etter at gleda
over å verta gjenforente med familiane har dempa seg. Dette kan ta alt i frå to dagar til nokre veker, seier John Fairbank, professor i psykiatri ved Duke Univserity Medical Center i North Carolina til Reuters.
Også sjukehusprest Luis Lopez understrekjer at dei 33 gruvearbeidarane no vil ha behov for fredelege omgjevnader.
– Dei må finne sinnsro og ta omsyn til seg sjølve, seier uttalar Lopez til nyheitsbyrået AP.
- LES OGSÅ: – Yonni velger kjærligheten