Regissør Lisa Marie Gamlem og NRK måtte i natt sjå seg slått av den britiske serien Shaun the Sheep i kategorien beste TV-produksjon for barn og unge.
- Som forventa
- Det var som forventa at Shaun the Sheep skulle vinne, og vi var eigentleg stolte over berre å vere nominerte i samme kategori.
Det seier Ping-pong-regissør Lisa Marie Gamlem på telefon frå New York til NRK.
- Nivået er jamnt over veldig høgt. Vi må hugse på at vi var valde ut saman med tre andre frå heile verda.
Regissør av dramaserien Ping-pong Lisa Marie Gamlem.
Foto: NRKPopulær vinnar
Vinnaren, Shaun the Sheep, er laga av dei samme som står bak den populære serien Wallace & Gromit.
- Ein utruleg bra og morsom produksjon, fleire av oss som har laga Ping-pong er jo veldig fan av dei folka frå før, seier Gamlem.
Viktig for bransjen
Ingen norsk TV-serie har nokon gong vunne Emmy, men Gamlem meiner at nominasjonen i seg sjølv er veldig viktig.
- Generelt i bransjen gir ein Emmy-nominasjon ein ny giv. Vi ser at vi kan konkurrere i verdsklasse, seier Gamlem til NRK. Det gir ein ny giv til heile bransjen, om å gå på igjen - no må vi klare å vinne den Emmyen!
Ping-pong er produsert av Nordisk Film og vart synt på NRK. Sist gong NRK var nominert var i 2006 med Gutta boys.
Britisk suksess
Shaun the Sheep var berre ein av fleire britiske prisar på årets Emmy-utdeling. Heile sju av ti prisar gjekk til britiske produksjonar. Her er nokre av dei:
Beste dramaserie: Life on Mars
Beste komedie: The I.T. Crowd
Beste mannlege hovudrolle: David Suchet, Maxwell
Beste kvinnelege hovudrolle: Lucy Cohu, Forgiven
Tre andre prisar gjekk til Jordan, Argentina og Nederland.
Dei internasjonale Emmy-prisane heidrar TV-program som er laga
utanfor USA.
