Anders Fannemel, Rune Velta, Vegard Sklett og Anders Bardal hoppa så det suste i lagkonkurransen i verdscupen i hopp i sveitsiske Willingen. Det heldt til siger.
Norge tok dermed sin andre siger i lagkonkurransen denne sesongen, dei vann også i lagkonkurransen i Harrachov før jul.
Allereie etter første omgang låg Norge på 1. plass framfor Austerrike.
- LES OGSÅ:
- LES OGSÅ:
Fannemel først ut
Fannemel var først ut med eit godt hopp, deretter følgde Rune Velta opp med nok eit godt hopp på 127 meter.
I siste runde slo Norges tredjemann, Vegard Sklett, til med 138,5 meter, og hoppa frå sjølvaste Thomas Morgenstern med heile 7,5 meter.
Leia etter første omgang
Det gjorde at Norge leia med 23,6 poeng framfor sistehoppet.
I siste hopp landa Austerrikes Gregor Schlierenzauer på 137,5 meter, men det heldt ikkje til å tukte Norges ankermann.
Anders Bardal sikra sigeren med eit hopp på 134,5 meter, og Norge enda dermed på 999,2 poeng totalt.
Austerrrike vart nummer to på 976,3 poeng, medan Tyskland tok tredjeplassen med 963,7 poeng.
Søndag er det klart for individuell konkurranse og der stiller Norge mannsterke. I tillegg til dei fire som deltok i laghopp, hoppar Andreas Stjernen, Bjørn Einar Romøren og Atle Pedersen Rønsen.
- LES OGSÅ:
- LES OGSÅ: