Fylkesleiar i Sogn og Fjordane Frp, Frank Willy Djuvik, tok i går til orde for å kastrere valdtektsmenn.
I ei melding på Twitter skreiv han at slike folk bør kastrerast. Meldinga kom berre timar etter at ein mann vart sikta for å ha valdteke ei jente på ein russefest i Førde. Men utspelet til fylkesleiaren er heilt i tråd partiet sin politikk.
- LES OGSÅ:
- LES OGSÅ:
Utspelet får kraftig motbør
Nestleiar i Frp, Per Arne Olsen, seier til NRK.no at han rosar utspelet til Djuvik. Han meiner valdtektsmenn bør kastrerast.
– Djuvik er heilt på linje med Framstegspartiet sin politikk, seier Olsen.
Utspelet har fått kraftig motbør. SV-politikar og fylkestingsrepresentant Norvall Nøringset er ein av dei som reagerer. Han meiner utspelet er useriøst og flåsete.
I meldinga låg det også ei lenke til ei nettsak som omhandla den moglege valdtekta i Førde.
Frp har gjentekne gonger tatt til orde for kastrering av valdtektsforbrytarar. Dei har mellom anna meint at lommemannen burde kastrerast.
– Når dom er avsagt, må lommemannen bli kjemisk kastrert, sa justispolitikar Hans Frode Asmyhr (Frp) til Dagsavisen i 2009.
NETT-TV: Frp vil kastrere valdtektsmenn
- LES OGSÅ:
- LES OGSÅ:
– Vi tek til orde for offeret
Natt til onsdag vart ein 20 år gamal russ pågripen og sikta for valdtekt av ei 17 år gamal jente på Festplassen i Førde. Staden er mykje brukt til festing i russetida, og det var også fest der natt til onsdag.
Den sikta 20-åringen nektar straffskuld. Han er framleis sikta, men han vart lauslaten seint i går ettermiddag.
– Vi er heldigvis eit parti som tek til orde for offeret, og som ønskjer kjemisk kastrering i dei tilfeller der det er snakk om gorve overgrep og der det er fare for gjentaking, seier Olsen.
Olsen meiner på ei anna side at Djuvik ikkje burde ha lenka til den aktuelle hendinga. Men kastrering av valdtektsmenn er noko Frp ønskjer. Frank Willy Djuvik seier til NRK.no han ikkje sikta til hendinga i Førde.