Alternativa vil bli lagt fram på eit utgreiingsmøte på Nordfjordeid 25.januar, det skriv Fjordabladet.
Bru over Nordfjorden
Fyrste alternativet går frå Volda, via Kvivsvegen-Kjøs-og vidare mot Eid, men med tunnel frå Breisvora til Lote og bru over Nordfjord. Vidare går vegen om Sandane mot Skei.
Prislapp: 5030 millionar kroner. Tid: 88 minutt. Alternativet gjer at ein ikkje lenger treng ferja Lote-Anda.
Over Stigedalen
Andre alternativet går med bru over Voldsfjorden om Stigedalen, og deretter tunnel til bru mellom Lote og Anda. Vidare går vegen om Sandane til Skei.
Prislapp: 8594 millionar kroner. Tid 65 minutt. Alternativet vil avløyse både ferja mellom Volda og Folkestad og mellom Lote og Anda.
(Artikkelen held fram under kartet.)
Tunnel gjennom Utvikfjellet
Tredje og siste alternativet går frå Volda om Kvivsvegen, og med bru over Nordfjord ved Svarstad. Vegen held fram i tunnel gjennom Utvikfjellet om Byrkjelo og i retning Skei.
Ålesund-Skei på to timar
Vegvesenet ynskjer på kort sikt å redusere reisetida til 2,5 timar mellom Ålesund og Skei. På lang sikt skal same strekninga kunne tilbakeleggast på to timar.
Prislapp: 4539 millionar kroner. Tid 66 minutt.