Av May Helen Vik og Kjell Arvid Stølen

Folket i Sogn og Fjordane skal om tre veker velje fem representantar inn på stortinget. Likevel er det få som har fått med seg kven som toppar dei ulike partilistene.

Reidar Sandal - ukjend for folk flest? Foto: Terje Gilleshammer NRK

Alle like ukjende

Korkje Åge Starheim, Frp, Liv Signe Navarsete, Sp, Heidi Grande Røys, SV, Reidar Sandal, Ap, Per Steinar Osmundnes, KrF, Mathias Råheim, Høgre, Gunvald Ludvigsen, Venstre, Kay-Lise Løkeland, Kystpartiet eller Per Ørjansen, RV, blir nemnde når ein spør kven som er fylket sine førstekandidatar til Stortinget i dei enkelte partia.

Berre ei visste namna

Dei fleste spurde har fått med seg bitar av valkampen, men innrømmer at dei ikkje har oversyn over den lokale politikken. Av alle som vart spurde var det berre ei som visste namnet på nokon av toppkandidatane.

Alfred Bjørlo. Arkivfoto: Svein Erik Dahl/Samfoto

- Oppsiktsvekkande

Og rådgjevar Alfred Bjørlo i kommunikasjonsbyrået Burson-Marsteller meiner det er direkte oppsiktsvekkande at folk i Sogn og Fjordane ikkje veit namna på toppkandidatane til dei største partia.

Likevel nære saker som avgjer

Men sjølv om folk no før valkampen ser meir på sentrale politikarar, er det likevel ofte enkeltsakene som spelar inn i folk sin kvardag som til slutt bestemmer kva dei stemmer, og ikkje ideologi, seier han, og nemner sjukehus og dirstriktspolitikk som døme.