Av Terje Gilleshammer

Meiningsmålinga som er utført for Bergens Tidende viser at ingen av dei tre regjeringspartia ligg an til å kapre nokon av dei fire faste mandata i Sogn og Fjordane.

Nedslåande for KrF

Særleg er gallupen nedslåande lesnad for KrF, som no ligg på 7,5% oppslutnad. Dette er under halvparten av det dei fekk i stortingsvalet 2001, då dei fekk 16,3%.

Tre raudgrøne mandat

Dei raudgrøne partia ligg derimot an til å kapre eitt mandat kvar, alle tre partia med solid framgang i høve til stortingsvalet i 2001.

Ventar på at valkampen skal ta av

Slik Grepstad ser det er det einaste temaet som har vore skikkeleg på dagsorden saka om omstilling i Høyanger og Årdal og næringsministeren sitt engasjement i denne saka. Difor ventar no Grepstad på at valkampen skal kome skikkeleg i gang og ikkje minst at den avgjerande saka om kommuneøkonomi skal kome på dagsordenen.