Av Lars Petter Degnepoll

Trude Brosvik. Foto Randi Indrebø NRK

Ho gir eit spark til Arbeidarpartiet og Harry Mowatt, som har sett opp eit "raudt" budsjett for Hyllestad kommune. Det ho siktar til er at ordførar Harry Mowatt og Hyllestad kommune alt har lagt dei raudgrøne lovnadene om meir pengar til kommunane inn i budsjettet.

- Renteauke vil svi

Men kommunane i Sogn og Fjordane har til saman 4,3 milliardar kroner i langsiktig gjeld, og ligg godt over nivået elles i landet. Dermed vil ein renteauke råke hardt.

Hyllestad har spart fire millionar

Trude Brosvik, som sit i representantskapen til Norges Bank, seier Hyllestad kommune har spart om lag fire millionar kroner på rentenedgang under den sitjande regjeringa. Brosvik meiner Mowatt må budsjettere med renteauke om dei raudgrøne skal innfri lovnadane sine.

Mowatt avviser

Men Harry Mowatt avviser at ei raudgrøn regjering kjem til å føre til renteauke. Han påpeikar at Arbeidarpartiet har tradisjon for å føre ein ansvarleg økonomisk politikk. - Det er stor usemje mellom økonomane om kva som fører til renteauke. Mange meiner det stikk motsette av det som Brosvik hevdar, seier Mowatt.

- Ikkje gjort det berre lett

Men Brosvik meiner det er grunn til å vere bekymra både for arbeidsplassar i distrikta og for kommunale tenester om renta går opp. Ho vedgår likevel at den sitjande regjeringa ikkje har gjort det lett for kommunane.