Av Noralv Pedersen

Sjå valresultat for Jølster

Knut M. Olsen, fylkesleiar og tredjekandidat til Senterpartiet, har gjort eit brakval i heimkommunen Jølster. Partiet går fram 9,3 prosentpoeng til 34,6 prosent, og er med det det desidert største partiet i jordbrukskommunen.

Raudgrøn framgang

Den raude kompanjongen til Senterpartiet i regjeringsalternativet, Arbeidarpartiet, gjer òg eit solid val i sunnfjordkommunen. Sosialdemokratane går fram 4,3 prosentpoeng til 20,6 prosent. For SV og partileiar og jølstring Magne Aardal er valresultatet mindre lysteleg. Partiet går tilbake to prosentpoeng til 9,3 prosent.

Regjeringsslitasje

For Kristeleg Folkeparti og Venstre er valresultatet eit slag i andletet. Begge regjeringspartia går tilbake seks prosentpoeng. Høgre går tilbake eitt prosentpoeng til 6,7 prosent.

Frp-framgang

Framstegspartiet har gjort godt val òg i Jølster og går fram 3,3 prosentpoeng til 9,1 prosent.