|
Liv Signe Navarsete |
Senterpartiet gjekk tilbake med 6,4 prosentpoeng i Sogndal, trass i at førstekandidaten Liv Signe Navarsete kjem derifrå.
Av
Kjell Arvid Stølen
Rett nok bur ho no i Lærdal, men ho har levd det meste av livet sitt i Sogndal, og dei fleste hadde nok rekna med større oppslutnad enn 23,2% for Senterpartiet. Forklaringa kan vere at ved valet i 2001 var det mobilisering for at Liv Signe Navarsete skulle kome inn på andremandatet. Denne gongen rekna alle med at ho var sikker, og omsuta for nordfjordingen Erling Sande stikk ikkje så djupt i Sogndal.
Ap og Frp valvinnarar
Som elles i fylket og landet er det Arbeidarpartiet og Framstegspartiet som er valvinnarane. Ap går fram 7,6 prosentpoeng til 29,3%, og Frp, som har Torbjørn Lie frå Sogndal på andreplass, går fram 7,3 til 16,8%.
H og KrF taparar
Venstre har og ein liten framgang på 1,3 til 4,6%, medan regjeringskollegaene taper. Høgre går tilbake 3,2 prosentpoeng til 6,7%, medan KrF går tilbake 3,8 til 8,0%.