- Det er eit åtak på demokratiet når fyrstekandidat i KrF, Per Steinar Osmundnes, kallar debatt om flyplasslokalisering i Nordfjord for russisk rulett. Det seier helikopterpilot Tor Åge Berglid frå Stryn, som etterlyser ein sunn debatt.
Av
Harald Kolseth og
Kjell Arvid Stølen
|
Per Steinar Osmundnes. Foto Vidar Vie NRK |
Det var laurdag at både fyrstekandidat for Høgre, Mathias Råheim, og fyrstekandidat for KrF, Per Steinar Osmundnes, gjekk til kraftig åtak på Margrete Navelsaker frå Senterpartiet. Ho har opna for å diskutere andre flyplass-alternativ enn Sandane i Nordfjord, noko særleg Osmundnes likte dårleg. - Å snakke om nye flyplassalternativ er å spele russisk rulett med Sandane Lufthamn, sa Osmundnes.
- Ikkje forkjempar for alternativ
Helikopterpiloten Tor Åge Berglid er sjølv medlem av Senterpartiet og er ein av initiativtakarane for å sjå på Sølvberg som flyplassalternativ. Men han vil likevel ikkje kalle seg for ein forkjempar for eit alternativ til Sandane Lufthamn.
- Ber 51 bedrifter halde kjeft
- Eg er oppteken av at folk i Nordfjord skal ha eit godt flyplasstilbod, og då er det ikkje så viktig kvar flyplassen ligg. Men når Per Steinar Osmundnes ber folk om å halde kjeft og snakkar om russisk rulett, så ber han samstundes 51 bedrifter om å halde kjeft. Det er ikkje bra for demokratiet, seier Tor Åge Berglid.
Etterlyser open debatt
Men Berglid er svært oppteken av at dette ikkje må bli ein kamp mellom alternativa. Derimot etterlyser han ein open debatt.