Av Terje Gilleshammer og Brit Jorunn Svanes

Foto: Lars Petter Degnepoll NRK

Sjølv om helseminister Ansgar Gabrielsen i førre veka freda tilbodet ved lokalsjukehusa, vil ikkje Solberg gjere det same. - Det kan verte endringar ved nokre lokalsjukehus, seier ho.

Sterk kontrast

Dette står i sterk kontrast til det helseminister Ansgar Gabrielsen sa på ein debatt i Dagsnytt 18 i førre veke. Der fekk han eit direkte spørsmål frå Senterpartileiar Aslaug Haga.

- Eg garanterer at eg har ikkje til hensikt å leggje ned akuttavdelingar eller fødeavdelingar, om eg held fram i jobben, seier Gabrielsen.

På kollisjonskurs

Og utan tvil er helseministeren på kollisjonskurs med sin eigen partileiar i denne saka. - Vi skal halde opp ein god akuttberedskap for folk. Så får vi diskutere om det er den lokale akuttavdelinga, eller om det er å sikre gode tenester knytt til legevakt, ambulanse eller helikopter, seier ho.

- To tunger

Leiar i Senterpartiet, Åslaug Haga, meiner at det er oppsiktsvekkande at regjeringa taler med to tunger i ei så viktig sak. - Vi må får klarlagt kva regjeringa faktisk meiner, seier ho.

- Høyr på helseministeren

Foto©NRK

Førstekandidat for Høgre i Sogn og Fjordane, Mathias Råheim, seier ein skal høyre på helseministeren i denne saka. - Eg held meg til det Ansgar Gabrielsen har sagt både offisielt og i privat samtalar med meg. Eg er overbevist om at det ikkje er Sogn og Fjordane det er snakk om.

Han seier at det offisielle synet til Høgre er det helseministeren seier. - Men eg ser ikkje nokon kollisjon mellom det han og Erna Solberg seier. Ho har ho peikt på kor viktig det er med ambulansetenester, og det er to sider av same sak, seier Råheim.