Tidlegare fylkesleiar i Høgre i Sogn og Fjordane, Liv Stave, meiner striden rundt nominasjonen i partiet må ta sin del av skulda for det dårlege valresultatet - i alle fall her i fylket.
Av
May Helen Vik og
Kjell Arvid Stølen
 |
| Liv Stave. Arkivfoto NRK |
For splittinga som har vore innan partiet siste året har ikkje akkurat vore nokon fordel for Høgre. Det var strid i vår om Sverre Hoddevik eller Mathias Råheim skulle representere partiet som kandidat til Stortinget. Hoddevik, som hadde støtte frå Liv Stave, tapte kampen om topplassen. Striden sette sitt preg på partiarbeidet - og også valresultatet, meiner Liv Stave. Sjølv trekte ho seg som fylkesleiar etter nominasjonen.
Skuffande valnatt
Og sjølv om Stave venta eit dårlegare resultat var det likevel ei skuffande valnatt for henne. For Høgre fekk berre 8,4% oppslutnad i Sogn og Fjordane, noko som er ein tilbakegang på 4,4 prosentpoeng. - Men sjølv utan den indre striden hadde det vore vanskeleg å gjere valet betre, då Høgre også på landsbasis gjorde eit dårleg val, seier ho.
Stave er likevel klar på at partiet skal byggast opp att
Tips andre om denne saken
Utskriftsvennlig versjon
