Norsk skip på veg med 100 tonn forsyningar

Rederiforbundet måtte utsetja avreisa til skipet som skal inn til dei tyfonråka områda på Filippinane. Pågangen frå hjelpeorganisasjonar som vil ha forsyningar og personell om bord, har vore enorm.

Rederiforbundet sitt skip blir lasta med hjelpeforsyningar

Rederiforbundet sitt skip i Manila, Captain Felix OCA, blei tysdag kveld lasta med dei siste forsyningane før det sette kursen mot dei tyfon-råka områda.

Foto: Norges Rederiforbund/Norwegian Training Centre

Skipet, Captain Felix OCA, skulle ha reist frå Manila klokka 17 norsk tid tysdag ettermiddag, men kom seg først av garde seint på kvelden på grunn av uventa stor interesse frå blant anna Raudekrossen, Verdas helseorganisasjon, Verdas matvareprogram og filippinske organisasjonar.

– Når fartøyet tysdag kveld set kursen mot Tacloban, er det lasta med totalt 100 tonn ris, vatn, medisinar og teknisk utstyr for naudhjelpsarbeid, fortel direktør i Rederiforbundet Harald Solberg til NRK.

Lugarkapasiteten på 200 personar er sprengd, opplyser Solberg. Om bord er både helsepersonell, hjelpearbeidarar og mannskap.

Forsyningar til tyfon-råka område, Filippinane

100 tonn med forsyningar er på veg til områda som er hardast råka av tyfonen Haiyan med Norges Rederiforbund sitt skip.

Foto: Norges Rederiforbund/Norwegian Training Centre

Utan mat og vatn

Den kraftige tyfonen Haiyan råka delar av Filippinane med full styrke den 7. november. Det blei først rapportert om at minst 12.000 menneskeliv truleg hadde gått tapt i katastrofevêret. Tysdag opplyser presidenten i landet at dette talet ser ut til å vera langt lågare enn frykta.

Situasjonen er likevel desperat og prekær for dei ti millionane som er råka. Mange øysamfunn er framleis isolerte, og manglar både mat og vatn.

Harald Solberg, Rederiforbundet

Harald Solberg er direktør i avdelinga for næringspolitikk og kommunikasjon i Norges Rederiforbund.

Foto: Norges Rederiforbund

Hjelpeorganisasjonane fryktar også for utbrot av dødelege sjukdomsepidemiar, og fortvilar over at dei ikkje kjem seg dit nauden er verst.

– Sjøvegen er einaste alternativ

– Situasjonen på Filippinane er krevande og uoversikteleg. Hjelpearbeidarane kjem ikkje fram til kriseområda fordi vegar og annan infrastruktur på land er øydelagd. Sjøvegen er einaste alternativ og me er ein av få som har skip i området, fortel direktør Solberg i Rederiforbundet til NRK.

Captain Felix OCA er eit treningsskip som normalt blir nytta av Rederiforbundet sin skule for opplæring av kadettar i Manila, Norwegian Training Centre (NTC).

Skipet skal etter planen vera framme ved Tacloban torsdag kveld norsk tid.

Lastskip slengt på land i Tacloban på Filippinene

Eit lasteskip som blei kasta på land av tyfonen i Tacloban viser kor sterke naturkrefter som har vore i sving.

Foto: ROMEO RANOCO / Reuters

Utvalgte dokumentarer

Br. dokumentar. Den 23 år gamle medisinerstudenten Jyoti Singh ble brutalt voldtatt av seks menn på en buss i Dehli. Hun døde senere av skadene. Hennes fryktelige skjebne utløste sterke protester og gateopptøyer i India, og førte til endringer i loven. Singhs voldtektsmenn snakker ut mens de venter på å bli hengt. Deres verdier og tankesett speiler et skjevt patriarkalsk samfunn som ser på kvinner som annenrangs, og til og med uønsket. (Indias Daughter)
Norsk dokumentar. Konflikten mellom Israel og Palestina handler om at to folkeslag sier "mitt land" om det samme området. Vi møter to sterke kvinner, Fathie som måtte flykte til Libanon i 1948 og ønsker å få dø i sin hjemby Jaffa, og Susi som mistet sine foreldre i Auschwitz og ble smuglet ut av leiren og holdt skjult til krigen var slutt. Nå drømmer hun om en stat forbeholdt jøder. På en stillferdig måte gir filmen et innblikk i de grunnleggende motsetningene som gjør denne konflikten så komplisert. (My Homeland)
Br. dokumentar. Hvordan lever homofile i ulike land i verden? (Stephen Fry- Out There) (2:2)