Det har i natt blåst kraftig austleg vind i Lærdal, noko som truleg er årsaka til at flammar byrja å ta seg opp att i terrenget ovanfor riksveg 5.
- LES OGSÅ: 35 bygningar vart totalskadde i brannen
Vakthald i området varsla om branntilløpet like før klokka 05. Brannen vart raskt sløkt med eit brannsløkkingsapparat, men brannvesenet er på staden for å kjøle ned området.
– Det blussa opp att i terrenget. Området er stipulert til kring 4x5 meter, opplyser operasjonsleiar Inge Værøy hos Sogn og Fjordane politidistrikt.
Alarmsentralen opplyser at alle brannar i utgangspunktet skulle vore sløkte. Staden der flammane blussa opp att er langt frå bustader.
