Patruljerer i skogbrannområde

To personar held oppsikt på stadene der nesten 2000 mål har brent på grensa mellom dei to kommunane.

• LES: Flammer blusser fortsatt opp
• LES: Regnbyge stoppa skogbrann

Skal opp i lufta

Onsdag skal truleg eit fly frå Kjevik flyklubb fly over skogområda.

Søndag ettermiddag vart det sett inn helikopter i sløkkjingsarbeidet. Sløkkjingsarbeidet var særs vanskeleg på grunn av ulendt terreng og skiftande vindretning.

– Det var skremmande å sjå når dei store flammane tek tak i dei kjempestore trea, seier lesaren.

Søndag kveld kom det ei skikkeleg regnbyge i området, som gjorde at brannvesenet til slutt fekk kontroll over skogbrannen.

Ettersløkkjing

Måndag dreiv brannvesenet og sivilforsvaret ettersløkkjing etter brannen. 20 personar deltok måndag i ettersløkkjinga.

Skogbrannen starta truleg som følgje av bråtebrenning. Brannsjefen i området er klar på at det er galskap.

– På nytt må eg åtvare folk mot at det er frykteleg tørt. Vi har hatt brennar som har starta med ein gneist. Det er nok med ein sigarettsneip i terrenget. Så er det full fyr, sa brannsjef Jon Inge Aasen til NRK.no søndag.