– Heile beredskapen i kommunen er varsla, seier ordførar i Sauda Laura Seltveit.
Ho seier at så lenge det er gode forhold for helikopter er det lite dramatikk i situasjonen, sidan Sauda har brannmannskap og lokalsjukehus.
Fare for flaum
Det er Fylkesveg 520 til Sauda som i ettermiddag blei stengt på grunn av ein propp av is og snø i Svandalsfossen.
– Statens Vegvesen fryktar at proppen skal losna og føra til at vegen flaumar over med vatn, seier operasjonsleiar i Haugaland og Sunnhordland politidistrikt, Svein Roald Vikse.
Vegen blei derfor i ettermiddag stengt.
Tidlegast opning tysdag
– Etter at geologar har vore på staden har Vegvesenet avgjort at vegen ikkje kan opnast før tidlegast tysdag, seier, seier Vikse.
Sidan fjorden er frossen er det heller ikkje mogleg for hurtigbåten å koma seg inn til bygda.
Når lyset kjem vil situasjonen i Sauda bli vurdert av Vegvesenet.
Meir frå vegane på Vestlandet: