Folkeveksten i Stavanger held fram. I juli passerte kommunen 125.000 innbyggarar. Ein rapport frå Stavanger kommune viser at folketalet i år 2025 kan bli 150.000.
Men med få tomter til både bustadar og næringsbygg, meiner fleire sentrale bypatriotar at Stavanger nå må utvida bygrensene.
– Kommunesamanslåing blir nesten eit nødvendig onde dersom forskarar og politikarar har rett i at kommunar i dag må veksa seg større. I så fall må Sandnes leggast ned, seier bystyrerepresentant Torkelsen.
Les også:
Nye bydelar
Byhistorikar og seniorrådgivar hos Riksarkivaren, Hans Eyvind Næss, meiner dei framtidige bydelane i Stavanger kjem til å heite Finnøy, Strand, Randaberg og Sandnes.
– Spørsmålet er kva ein skal gjera når det ikkje er meir bu- og næringsareal igjen i Stavanger. Noko må snart skje, meiner han.
Administreande direktør i SpareBank 1 SR-Bank, Terje Vareberg, trur Strandalandet kjem til å bli den viktigaste bydelen i den nye storbyen etter at Ryfast er bygd.
– Eg trur uansett ein heiskapleg utbygging i regionen tvingar fram endringar, uansett korleis ein ser på det, seier han.
Les også:
– Må samarbeida betre
Arkitektpsykolog Oddvar Skjæveland frå Sandnes er mindre oppteken av kommunesamanslåing. Uansett meiner han kommunane må samarbeida meir enn i dag.
– Det er uheldig dersom kommunane på Nord-Jæren arbeider for seg sjølv. Dei må heilt klart bli synkroniserte betre enn i dag. Alle planar i Stavanger eller Sandnes får konsekvensar for nabokommunen.
Bør kommunane på Nord-Jæren slå seg saman? Skriv kva du meiner i debattfeltet under.