Trygve Henden Gaasa (22) er tilbake i NM etter to år på sidelinja grunna overbelastning.
– Det er alltid kjekt med NM, men eg saknar stafetten her i helga, seier han.
– Positive opplevingar
SKUFFA: Gjøran Tefre var to sekund frå å nå gå vidare frå prologen i NM-sprinten på Gåsbu.
Foto: Heidi Lise Bakke / NRKTrygve kom for første gong skikkeleg i fokus i nasjonale media under NM-stafetten i 2007.
Då gjekk han som blodfersk 17-åring ut på sistetappa i leiinga etter at Roger A. Djupvik og Oddbjørn Hjelmeset hadde gått Fjellhaug/Vereide opp i leiinga.
– Vi blei nummer sju. I 2009 vart vi fem. Skjølv om eg ikkje lukkast hundre prosent i min rolle som førstereisegut var dette positive opplevingar, og minne for livet, seier Henden Gaasø som i 2007 kom rett frå andreplass på norgescup i junior.
Glad for å vere tilbake
Han var og aktuelt for junior VM i fleire år.
– Eg fekk aldri gå VM, så stafettane på Hovud-NM er blant mine største augneblink som aktiv, seier glopparen som etter to år ute med skade er glad for å vere tilbake.
– Før start torsdag håpa eg på ein topp 50 plassering. Dette var overraskande bra, seier Trygve som understrekar at treningsgrunnlaget ikkje er det beste.
Satsar for fullt
– Eg satsar vidare, og neste sesong håpar eg å hevda meg endå høgare på resultatlistene, understrekar han.
Henden Gaasø bur som dei fleste av våre toppløparar i langrenn og skiskyting på Lillehammer.
– Her blir eg nok buande så lenge eg satsar for fullt, avsluttar han.