– Jenta har alvorlege skadar i hovud, ansikt og bryst, opplyser mottakkinga ved sjukehuset i Kristiansund til NRK torsdag kveld.
– Bilisten hadde ikkje sjans til å stoppe
Ulykka skjedde på riksveg 70 på Prestmyra på Frei utanfor Kristiansund torsdag ettermiddag.
Politiet fekk melding om hendinga klokka 16.37.
– Bilisten hadde ikkje sjans til å stoppe. Hesten kom byksande rett ut i vegen, fortel operasjonsleiar i Nordmøre og Romsdal politidistrikt, Sigvart Sivertsen til NRK.
Hest ute av kontroll
Fleire vitne har fortalt politiet at hesten var ute av kontroll.
– Vitna seier det virka som om jenta hadde vorte kasta av og hang på sida av hesten då den sprang ut i vegen. Der vart dei køyrt på av den uheldige bilisten, seier Sivertsen.
Bilføraren er ei kvinne i 50-åra frå Kristiansund. Det er ikkje mistanke om at kvinna var rusa.
Jenta vart sendt til sjukehuset i Kristiansund i ambulanse.
Torsdag kveld opplyser sjukehuset til NRK at sjølv om jenta har alvorlege skadar, er dei ikkje livstruande. Situsajonen er stabil og ho vert frakta til St.Olavs Hospital i Trondheim.