Brannvesenet meldte like etter klokka 19 sundag kveld om ein brann i eit bustadhus i Slåtthaugvegen i Fana i Bergen.
- Det var tørketrommelen som hadde tatt fyr og brannen hadde spreidd seg til vaskemaskina like ved, seier brigadeleiar Kjell Heggdal i brannvesenet.
Ein av bebuarane sløkte sjølv brannen med eit pulverapparat.
Mykje røyk
- Det var store mengdar røyk i bygget, så me måtte inn med røykdykkarar og fekk tatt ut tørketrommelen for å få sløkt skikkeleg, seier Heggdal.
Dei fem som var i bygget kom seg alle ut før brannvesenet kom til staden. Familien vert sendt til legevakt for sjekk grunna dei store mengdane røyk som var i huset.
Brannårsak
Brannvesenet reknar med at brannen anten har starta i det elektriske anlegget eller i lofilteret i vaskemaskina.
- Det er store skadar i delar av huset etter slukkinga, seier Heggdal.
Brannen vart meldt sløkt klokka 19.27, og skal ikkje ha spreidd seg til andre delar av huset.
Les òg: