Henning Sommerro har arbeidd i ei årrekkje som lærar ved musikkstudiet på NTNU. Sidan 80-talet har han hatt ei stilling der hovudvekta på undervisninga har handla om orgel og liturgisk kyrkjemusikk.
- Les også:
- Les også:
Inntil byrjinga av mars har han hatt tittelen 1.amanuensis. Men no har han altså stige i gradene, og er blitt professor i kontrapunkt, improvisasjon og komposisjon, skriv avisa Tidens Krav.
Henning Sommerro er frå garden Sommerro på Skei i Surnadal. Han blei landskjend då han, saman med gruppa «Vårsøg» gav ut ei LP-plate med tonesette dikt av Hans Hyldbakk.
Den mest kjende av desse visene, «Vårsøg», blir ofte spelt på radio den dag i dag, og er også gjeven ut i fleire versjonar.
I 2013 blei Sommerro utnemnt til kommandør av St. Olavs Orden.
