– Det er til dels kraftig vind som kjem i kast, seier driftsoperatør hos Avinor på Værnes, Kåre Jonny Friheim.
Det er særleg retningen på vinden som er ekkel; vinden kjem frå sør.
Eit fly frå Ålesund vart nødt til å snu og dra tilbake, mens eit SAS-fly frå Bodø har gått vidare til Kristiansund.
Vinden er sterk både i høgda og akkurat idet flya skal lande.
– Vi hadde nettopp eit fly som nesten kom seg ned, men måtte gi opp og gå opp igjen, seier Friheim på driftssentralen.
– Innimellom vindkasta er det muleg å lande. Vi har også fått landa tre fly no nyleg, seier han.
Dei kraftige vindkasta frå sør vil fortsette utover torsdag kveld, ifølge vervarslinga.
