Bombene gjekk av på to utandørsmarknader i hovudstaden Bagdad og i Shomali, ein by sør for hovudstaden. Shomali ligg i provinsen Babil, som er dominert av sjiamuslimar.
Bombene i Bagdad detonerte på ein dyremarknad i det nordlege Kazimyah nabolaget i Bagdad, og på eit grønsakstorg i Shomali.
Ny bombe under flukt
Irakarar trekkjer kvar fredag til marknadene for å handla og tilbringa tid med familiane sine, Marknader er difor ofte mål for militante som ønskjer å ta flest mogleg liv.
Den første bilbomba i Bagdad eksploderte i morgontimane ved inngangen til dyremarknaden, opplyser politiet. Då panikkslagne besøkande forsøkte å flykta frå området, eksploderte ein bil nummer to som stod parkert få meter unna.
Minst 17 blei drepne og 45 såra i dei to eksplosjonane.
Om lag ein time etterpå detonerte to bilbomber på same tid på Shomali-marknaden. Ytterlegare 14 personar mista livet og minst 26 vart skadde.
Alle dei drepne er sivile.
Eksplosjonane er dei siste i ei rekkje åtak der opprørarar prøver å utløysa sekterisk vald som kan spolera den sjia-leidde regjeringa sitt forsøk på å oppretthalda ro og orden.