Tok Barcelona med storm

Den unge mannen som har mål om å bli verdas beste Formel 1-køyrar, tok sitt første skritt laurdag.

Framføre alle Formel 1 laga imponerte rogalendingen, og vann.

– Denne sigeren vil garantert bli lagd merke til, sa ein særs nøgd Pål Varhaug etter løpet.

Sjå TV-innslag med Pål Varhaug:

• Pål Varhaug snakker med Øystein Ellingsen om GP3
• Pål Varhaug skal bli verdas beste Formel 1 køyrar

Ny liga

Det var i GP3 ligaen, som er to hakk under Formel 1, rogalendingen i dag vann.

Ligaen er heilt ny, og har som mål å vidareutvikla unge rasersjåførar slik at dei kan gå vidare til neste nivå, som er GP2.

Med i ligaen er verdas største resartalent.

Les fleire saker om Norges store resartalent.

Første Formel 1 sjåføren

Pål Varhaug vil bli Norge sin første Formel 1-sjåfør, og dette var utvilsamt eitt steg i riktig retning.

– Eg fattar det ikkje. Eg kan ikkje tru det er mogleg, seier Varhaug.

Tok leiinga frå start

Allereie i kvalifiseringsrunden imponerte Varhaug med å koma på 2. plass. Difor starta han som nummer to, i hovudløpet.

Nordmannen tok leiinga frå starten, og leia heilt inn til mål.

– Eg kjende meg ikkje særlig pressa heller, seier Varhaug.

I morgon er det nytt løp, då startar Varhaug som nummer åtte.