Politiet fekk melding om ulukka ved Nesbrua i Saudasjøen klokka 02.32 natt til onsdag. Ein bil hadde køyrd av vegen, inn i ein brukant og snurra rundt.
Det var to personar i bilen, ein mann (29) og ei kvinne (22).
– Kvinna blei alvorleg skadd og blei frakta til Stavanger Universitetssjukehus (SUS) med luftambulanse, opplyser Jan Magne Østebøvik, operasjonsleiar i Haugaland og Sunnhordland politidistrikt.
Onsdag ettermiddag er kvinnas tilstand alvorleg, men stabil. Ho behandles ikkje lenger ved intensivavdelinga.
Mannen (føraren av bilen) blei lettare skadd og blei frakta med ambulanse til Haugesund sjukehus for observasjon.
29-åringen var også tydeleg rusa og det blir tatt utvida prøvar av han på sjukehuset.
