Tidleg søndag morgon ringte ein mann i slutten på 70-åra til politiet i Haugesund. Han frykta at det kunne vera han som hadde kjørt på ei sju år gammal jente i Sauda sentrum i går.
Såg ingen ting
Mannen fortalde at han hadde kjørt ein sølvfarga bil i sentrum av Sauda i 12.30-tida, laurdag. Han hadde høyrt eit dunk i bilen, men hadde ikkje funne ut kva det skuldast. Sjølv rekna han med at nokon hadde kasta ein ball på bilen hans, eller liknande.
– Med tanke på at han har vore på staden i dette tidsrommet og at han har ein sølvfarga bil, så er det mykje som tyder på at vedkommande er gjerningsmannen, seier operasjonsleiar ved Haugaland og Sunnhordland politidistrikt, Svein Sørensen.
7-åringen syklet i sentrum
Jenta, som mannen kjørte på, blei sterkt forslått og måtte på legevakta, etter påkjørselen i går. Sjuåringen var ute og sykla, då ulukka skjedde. Det var fleire vitne til stades, som såg at bilføraren kjørte frå staden, utan å stoppa. Dei fortalde at føraren sat i ein grå varebil.
Saka har blitt etterforska av Sauda lensmannskontor og det gjekk nærare eitt døgn før bilføraren melde seg.
