- Me må først sjå på korleis det går med bybaneforslaget som er vedtatt. Rett og slett venta til me har fått erfaringar, meiner fylkesvaraordførar Tom Christer Nilsen frå Høgre.
- For dyrt
Onsdag vedtok fylkestinget at det må bli laga ei utreiing om høve for å utvida bybanen til nabokommunene til Bergen.
Fylkesvaraordfører Tom Christer Nilsen frå Høgre stemte imot forslaget og meiner ein heller burde bruke pengane på busstilbodet.
- Det er mykje viktigare å byggja ut det kollektivtilbodet me har, seier Nilsen. Dessutan blir det for dyrt, meiner han. Særleg med tanke på eventuelle behov for nye bruer.
- Planleggja for framtida
KrF sin Filip Rygg, også partiet sin ordførarkandidat for neste år, er kjent som ein av arkitektane bak visjonane om bybaneutviding.
- Å gå imot dette er visjonslaust. Me kan ikkje gjere det same om 20 år som me gjer no, seier Rygg, som seier han ynskjer å planleggja for framtida.
Utgreiinga skal sjå på om det er høve til å utvida bybanen til nabokommunane til Bergen. Filip Rygg meiner stader som Straume, Knarvik og Kleppestø kan vere veleigna.