Det var gudsteneste frå Valestrand kyrkje i Sveio i Hordaland 5. søndag etter påske. Teksten var henta frå Matt. 6, 6-13. Liturg var sokneprest Kolbein Espeset.
Ved orglet sat kantor Ole Jørgen Furdal (til høgre). Nordic Voices vokalensemble deltok også.
Salmane stod i Norsk Salmebok på numra 928, 311, 383, 108, 646, 590 og 299.
Det var dei årlege Valendagane som vart avvikla 25.-28. april, og preika på avslutningsdagen var ved Fartein Valen-Senstad (til venstre).
Valestrand kyrkje er bygd i tre. Ho er ei langkyrkje og var ferdig i 1873. Det er plass til 480 besøkjande.
Altartavla har eit motiv frå forteljinga om den gongen Jesus og læresveinane var på sjøen og det storma. Det er Peter som ropar: "Herre, frels meg!"
Komponisten Fartein Valen var frå bygda, og kvart år er det Valendagar på Haugalandet.
Heimen til komponisten Fartein Valen (1887-1952) ligg i Valevåg. Her er det ope for omvisning frå ca. 20. juni til 20. august.
I arbeidrommet står Fartein Valen sitt eige piano som m. a. er i bruk ved dei årlege Fartein Valen-dagane. Fartein Valen ligg gravlagt ved Valen kapell.
Lagt tilrette for nett av Helge Helgheim.
Tips andre om denne saken
Utskriftsvennlig versjon
