Sosial ulikskap

Ap vil at det offentlege skal gripe inn for å minske sosial ulikskap. Det betyr meir skatt for dei som tener mykje, færre privatskular, eit sterkt offentleg helsetilbod og å bruke Husbanken til å gi startlån til fleire bustadkjøparar.

Partiet vil også ha slutt på at leiarløningane aukar sterkt, og vil fryse løna til statsministeren og andre rikspolitikarar.

Les meir om AP

Høgre meiner at fleire jobbar er nøkkelen til å redusere sosial ulikskap i Noreg. I tillegg vil partiet ha gratis kjernetid og lågare prisar på barnehage og SFO/AKS for familiar med låg inntekt.

Partiet vil endre bustøtta slik at dei som treng det mest får meir, og tilby fleire som står utanfor arbeidslivet ein tilrettelagd jobb.

Høgre har også som mål at fem prosent av nytilsette i staten skal vere personar med «hol i CV-en» eller nedsett funksjonsevne.

Les meir om H

Frp meiner at jobbar er viktigst for å utjamne sosial ulikskap.

I tillegg meiner partiet at høge avgifter rammar dei som har minst. Dei vil kjempe mot miljøavgifter og formueskatt, og vil ikkje at barnetrygda skal spele inn på kor mykje ein får i sosialhjelp.

Samtidig vil Frp at det skal vere eit tak på kor mykje ein samla kan få i sosialhjelp og at ein må delta på norskopplæring for å få støtte.

Les meir om FRP

Sp vil redusere avgiftene for å unngå å ramme dei med minst pengar. I tillegg vil dei gi lågare skatt til dei som tener lite og meir skatt til dei som tener mykje.

Partiet er opptatt av at dei som driv med jordbruk skal tene like mykje som resten av samfunnet og vil forby reklame for urimelege kredittkort og forbrukslån.

Les meir om SP

SV vil at dei som arbeider i yrke med låg løn skal tene meir.

Partiet vil redusere forskjellar ved å la rike betale meir skatt, auke barnetrygda, ha gratis skulefritidsordning, berre betale eigendel hos tannlegen og bruke pengane frå CO2-avgifta Se ordforklaring

CO2-avgift

Ei avgift på utslepp av klimagassen CO2 (karbondioksid). Blir vanlegvis rekna ut frå kor mykje CO2 fossile brensel som olje, gass og kol slepp ut når dei blir forbrende.

Lukk ordforklaring til å dele ut ein «grøn folkebonus» til alle.

Les meir om SV

Venstre vil gi gratis heildagsplassar i barnehage og på SFO til familiar med dårleg råd. Partiet vil også at barnehagar skal halde ope til andre tider for å gjere det lettare for dei som jobbar kvelds- og nattskift.

I tillegg vil dei auke barnetrygda utan at det fører til mindre sosialhjelp, og forby hard marknadsføring av forbrukslån.

Venstre vil også vurdere å innføre borgarløn, ei garantert inntekt som alle får.

Les meir om V

KrF vil gi meir sosialhjelp til familiar. Samtidig vil dei auke barnetrygda utan at det går utover dei som får sosialhjelp.

Partiet vil også innføre eit fritidskort verd minst 2500 kroner som alle barn mellom 6-18 år kan bruke til å betale for fritidsaktiviteter.

Les meir om KRF

MDG vil at dei som tener lite eller gjennomsnittleg skal betale mindre inntektsskatt, mens dei som tener mykje skal betale meir. Det skal skje i løpet av dei neste fire åra.

Partiet vil også teste ut borgarløn, som betyr at alle får ei garantert minsteinntekt av staten. I tillegg vil dei gi meir pengar i sosialhjelp og jobbe for at tannlege blir gratis for alle.

Les meir om MDG

Den viktigaste saka til Raudt er å fjerne sosial ulikskap i Noreg. Det vil dei få til med sterkare fagforeiningar, statleg styring av viktige bedrifter, auke trygdene og skru opp skatten for dei som tener over 600.000 kroner. Partiet vil også ha gratis tannhelse, barnehage og skulefritidsordning.

Les meir om R