Sjukehus

Ap vil gi meir pengar til kvart enkelt sjukehus og ha sterke lokalsjukehus i heile landet.

Partiet vil halde på ordninga med fritt sjukehusval, men gjere det mindre lukrativt for private å etablere seg på det offentlege si rekning.

Ap vil ha slutt på at private aktørar skal ta seg av reinhald og andre viktige oppgåver på sjukehusa.

Ap vil at dei tilsette skal ha større fridom til å ta eigne avgjerder på sjukehusa, og at fleire skal jobbe i fulle stillingar. Partiet vil at helsepersonell skal bruke mindre tid på rapportering.

Les meir om AP

Høgre vil la private stå for ein større del av behandlinga, og at pasientar i større grad kan velje mellom offentlege og private tilbod. Det skal uansett bli betalt av det offentlege, og det offentlege skal tilby trygge sjukehus i heile landet.

Partiet vil sørge for at fødande som har meir enn 90 minutt køyring til fødeklinikken skal ha følgje av jordmor, slik dei har krav på.

Høgre vil opprette ein reservestyrke i helsevesenet som kan settast inn i ein pandemi eller ei anna helsekrise.

Partiet vil styrke rolla til pasienten i helsevesenet og sikre at ingen avgjerder blir tekne utan at pasienten er involvert.

Les meir om H

Frp vil ha dei same reglane for private og offentlige sjukehus og syta for at pasientane får velja kor dei vil ha behandling. Partiet ønskjer òg å legga ned dei regionale helseføretaka Se ordforklaring

Helseføretaksmodellen

Ideen bak helseføretaka var å organisere sjukehusa på same måte som aksjeselskap, med eit styre og administrerande direktør. Helseføretaksmodellen vart innført av Stoltenberg I-regjeringa (Ap) i 2001.

Lukk ordforklaring , som i dag driv sjukehusa. I staden skal sjukehusa få pengar direkte over statsbudsjettet.

Partiet vil ikkje legga ned lokale sjukehus.

Frp vil satsa på Radiumhospitalet som eit leiande internasjonalt kreftsjukehus. Kreftpasientar som har nytte av medisinsk cannabis i behandlinga skal få dette.

Frp vil ha forbod mot rituell omskjering av guttebarn på sjukehusa.

Les meir om FRP

Senterpartiet er imot all sentralisering av sjukehustilbodet i Noreg, og vil sikre at alle lokalsjukehus har fødetilbod, døgnberedskap innan kirurgi, røntgen og laboratoriefunksjonar.

Partiet vil halde på ordninga med fritt sjukehusval, men vil gjere det mindre lukrativt for private å etablere seg på det offentlege si rekning.

Sp vil vidareføre Ullevål sjukehus og gjere Aker sjukehus til lokalsjukehus for Groruddalen.

Partiet vil avvikle dagens helseføretak Se ordforklaring

Helseføretaksmodellen

Ideen bak helseføretaka var å organisere sjukehusa på same måte som aksjeselskap, med eit styre og administrerande direktør. Helseføretaksmodellen vart innført av Stoltenberg I-regjeringa (Ap) i 2001.

Lukk ordforklaring , og sørge for at folkevalde har meir direkte ansvar for sjukehusa.

Les meir om SP

SV vil styrke økonomien til sjukehusa og sikre at fleire blir tilsett der. Dei vil stoppe sentralisering og jobbe for å trygge fødeavdelingar og psykiatriske sengeplassar ute i distriktene.

Partiet vil at sjukehus skal styrast politisk og ikkje som sjølvstendige føretak, og vil difor fjerne helseføretaksmodellen Se ordforklaring

Helseføretaksmodellen

Ideen bak helseføretaka var å organisere sjukehusa på same måte som aksjeselskap, med eit styre og administrerande direktør. Helseføretaksmodellen vart innført av Stoltenberg I-regjeringa (Ap) i 2001.

Lukk ordforklaring . Bruken av kommersielle vikarbyrå skal stansast.

Partiet er negative til å legge ned Ullevål sjukehus, og vil sikre at store sjukehusutbyggingar ikkje skal skje utan lokal støtte.

Les meir om SV

Venstre vil bruke meir offentlege pengar på psykisk helse og legge meir vekt på reisetid når ein avgjer kor ein skal ha akutt- og fødetilbod. Partiet vil òg at det skal vere tilbod innan indremedisin, kirurgi og ortopedi i distrikta.

Venstre vil kutte i planane for Oslo universitetssjukehus og undersøke om ein skal vidareføre og utbetre Ullevål sjukehus i staden for å bygge ut på Rikshospitalet.

Partiet meiner at sjukehusa i for stor grad vert detaljstyrte og vil sjå nærmare på korleis ein skal endre dette.

Les meir om V

KrF meiner at alle sjukehus som i dag har akuttberedskap og fødetilbod, framleis skal ha det.

Partiet vil at dei ideelle sjukehusa, som er eigd av humanitære eller kristne organisasjonar, skal likebehandlast med offentlege sjukehus.

Partiet meiner det er viktig at rettane til barnsom er pårørande vert tatt på alvor når far eller mor er sjuke.

Les meir om KRF

MDG vil ha eit sterkt offentleg helsevesen, der ideelle aktørar bidreg og private berre er eit supplement.

Partiet vil at helsepersonell skal få meir fridom og påverknad og vere mindre styrte av detaljerte mål. MDG vil sette ned eit utval som skal finne ut korleis ein kan gjere helsevesenet mindre byråkratisk.

Noreg må sjølv produsere medisin, vaksine og smittevernutstyr.

MDG vil satse meir på musikkterapi og gjere cannabis tilgjengeleg som smertelindring på resept.

Les meir om MDG

Raudt vil ha så god kapasitet i det offentlege helsevesenet at det ikkje er grunnlag for private aktørar. Fylka skal overta ansvaret for drifta, og få pengar frå staten for å drive sjukehus og andre helsetenester.

Partiet vil stanse all nedlegging av sjukehus og fødetilbod.

Raudt vil fjerne ordninga med fritt sjukehusval, men pasientar skal kunne velje mellom ulike offentlege sjukehus.

Raudt vil ha forbod mot kommersielle vikarbyrå.

Les meir om R