|
Reidar Sandal. Foto Vidar Vie NRK |
Fyrstekandidat Reidar Sandal er i utakt med eige parti når han opnar for å nekte Hydro tilgang til oljeressursar dersom dei ikkje satsar i Høyanger eller Årdal. Næringspolitisk talsmann i partiet, Olav Akselsen, seier dette ikkje er partiet si offisielle linje.
Av
Terje Gilleshammer og
Kjell Arvid Stølen
Det var i helga at Sandal tok til orde for at rettane til oljen og gassen utanfor kysten skulle brukast til å tvinge Hydro til å redde arbeidsplassar i Høyanger eller Årdal. - Viss ikkje Hydro rettar seg etter dei synspunkta som kjem frå Staten, så meiner eg at vi har eit ris bak spegelen, og det er å ikkje tildele Hydro konsesjonar til olje- og gassutvinning langs norskekysten, sa Sandale på eit møte på Sandane.
"Laus kanon"
Nestleiar i Høgre, Jan Tore Sanner, var i går raskt på bana og kalla Sandal ein laus kanon og lurte på om dette var den offisielle linja til Arbeidarpartiet, noko Sandal sa det var. Han sa til NRK Sogn og Fjordane måndag at han hadde snakka med den næringspolitiske talsmannen i partiet om dette, og at dette var noko leiinga i partiet hadde snakka om.
|
Olav Akselsen. Arkivfoto NRK |
Partifellen usamd
Partileiar i AP, Jens Stoltenberg, ynskte ikkje å kommentere saka, men overlet det til Olav Akselsen som næringspolitisk talsmann. Og han har eit heilt anna syn enn Sandal. - Når det gjeld oljeaktivitet og tildeling av konsesjonar, så finst det eit internasjonalt regelverk som gjer at alle må behandlast likt, og det er dei som har best føresetnader som får tildelinga, seier Akselsen.