Ikkje 6-timarsdag no

Leiar i Arbeidarpartiet Jens Stoltenberg svarte i dag på spørsmål på NRK.no.

Leiar i Arbeidarpartiet Jens Stoltenberg svarte tirsdag på spørsmål på NRK.no.

Stoltenberg fekk mellom anna spørsmål om han trur småbarnsforeldre vil kunne få oppleve 6-timars arbeidsdag med full lønn.

- Jeg forstår godt at du gjerne vil ha 6 timersdag med full lønn, men jeg tror ikke det blir innført i overskuelig framtid, svarte Ap-leiaren.

- Imidlertid mener jeg småbarnsforeldre bør støttes gjennom andre tiltak som for eksempel billigere barnehager, billigere SFO eller lenger skoledag på barnetrinnet. I tillegg bør vi se på mulighetene til å utvide persmisjonsordningene ved fødsler.

- Treng ikkje vere samd

Eit anna spørsmål Stoltenberg svarte på, var om partileiarar bør skrive for bladet Se og Hør, slik Ap-leiaren har planer om.

- En viktig oppgave for folkevalgte er å kommunisere med de som har valgt oss. Det er mange som leser Se og Hør, og derfor er det en måte å nå ut til mange mennesker. Å skrive i en avis eller blad betyr jo ikke at man er enig alt bladet står for, skriv Jens Stoltenberg i nettmøte på NRK.no.

Alle partileiarane stiller

Alle dei åtte partileiarane i dei landsomfattande partia blir intervjua av Gro Arneberg i Her og Nå på NRK P1 dei siste to vekene før valet. Dette blir valets einaste partileiar-utspørjingar. Etter kvart intervju svarer partileiaren på nettbrukarane sine spørsmål på nrk.no.

Dagens utspørjing kjem til å ta for seg sentrale saker for Arbeidarpartiet, og i utgangspunktet skal det vere fire tema. Utspørjinga vil også innehalde ein reportasje som Stoltenberg skal kommentere.

- Målet er å gjere det tydeleg kva kvart enkelt parti står for, seier utspørjar Gro Arneberg.

Det blir fleire nettmøter

Dette er den vidare rekkefølgja for partileiarutspørjingane i Her og Nå og påfølgjande nettmøter:

Onsdag 10. september: Torstein Dahle, RV
Torsdag 11. september: Valgerd Svarstad Haugland, KrF

Carl I. Hagen, Åslaug Haga, Lars Sponheim, Kristin Halvorsen og Jan Petersen har allereie gjesta i partileiarutspørjinga og i nettmøte på nrk.no.